剧情介绍
讲到国民妹妹，
唔知大家第一时间
会谂到边个呢？
可乐君就第一时间
谂到风评一直
好好嘅张子枫啦~
童星出身嘅张子枫，
成名作係《唐山大地震》，
佢亦都凭借戏中
“小方登”一角，
成为获得
“百花奖最佳新人奖”
年纪最细嘅得奖者，
真係好威水噶！
攞奖之后嘅张子枫
喺演戏上面
亦都越战越勇，
喺唔少嘅影视作品上面，
都有出彩嘅表现：
《唐人街探案》
佢饰演嘅思诺，
凭借一个笑容，
成为全片最大嘅亮点，
真係睇到人心慌慌！
《快把我哥带走》
同彭昱畅搭档出演兄妹，
两个人有火花得嚟又好夹，
呢部戏亦都成为
嗰年嘅暑期档黑马！
《小别离》
呢部电视剧亦係
张子枫第一次同黄磊合作，
戏外黄磊都对佢好好噶~
除咗上面讲嘅作品之外，
你哋又中意佢喺
边部戏入面嘅表现啊？
讲开又讲，
张子枫虽然keep住
有新作品推出，
不过佢都冇荒废学业噶！
喺综艺《向往的生活》入边，
佢都有一直喺度复习。
旧年参加高考嘅佢，
就以全国第三嘅好成绩
考入北京电影学院！
真係好叻女~
做戏同读书都咁叻
嘅张子枫，
过往喺唔同嘅
影视作品入面，
都係做啲妹妹仔嘅角色。
亦都係咁大家先会
叫佢做“国民妹妹”。
一本通书都唔可以
睇到老啦，
何况係国民妹妹~
所以张子枫近期
都决定挑战下自己！
讲紧嘅就係
4.2号上映嘅新戏
《我的姐姐》啦~
做开细妹角色嘅
张子枫今次终于
升呢做家姐啦！！
睇翻剧情介绍，
今次佢饰演嘅
家姐“安然”都唔易做噶。
事关喺戏入面，
张子枫面对嘅係
父母突然离世，
原先准备紧考研嘅佢，
突然要担起头家，
仲要照顾唔啱key嘅细佬...
听落就係一个
好复杂嘅亲情故仔，
为咗做好呢个
责任重大嘅家姐角色，
张子枫仲特登
剪短咗头发，
而且仲好畀心机咁
学成都话，
真係好敬业噶~
本身仲惊自己
睇落会唔似姐姐嘅佢，
喺片场好快就同
饰演佢细佬嘅金遥源
friend过打band，
话係真姐弟都有人信啊！
不过呢部《我的姐姐》
最多人关注
嘅point就梗係
张子枫同梁靖康嘅kiss戏啦！
事关呢个亦係张子枫
嘅荧幕初吻啊！！
係今日曝光嘅
预告片入面可以见到，
佢哋两个嘅咀戏其实
都係得3秒左右。
不过配合镜头睇落
又真係几sweet噶：
虽然只係蜻蜓点水，
不过都令到
好多网友感慨：
张子枫妹妹大个女啦！
与此同时，
“彭昱畅几时先有吻戏”
都一齐上埋热搜。
明明同张子枫kiss
嘅係梁靖康，
点解会提起彭昱畅嘅？
皆因入行咁多年嘅
彭昱畅到现时为止
都未试过拍kiss戏啊！
有睇开《向往的生活》
嘅朋友应该都知道，
喺节目入面，
彭昱畅同张子枫
嘅关系真係好好。
而家连阿妹张子枫
都有荧幕初吻了，
好多网友都係度话：
彭昱畅唔好挂住食了，
几时轮到你啊！
maybe，
喺张子枫妹妹结婚之前
大家应该可以见到？
嗱，呢部新戏
《我的姐姐》嘅亮点
可乐君就介绍住咁多先~
想睇张子枫kiss，
sorry，
係睇张子枫转型
做姐姐至啱~
就记得买定飞
入戏院睇啦！
more · 今日娱乐看点
黄轩、宋茜与h&m已无合作
今日，因h&m抵制新疆产品事件，
黄轩发表声明，
表示与h&m已无合作，
以表明自己的立场。
随后，宋茜亦发表声明，
表示与品牌不存在任何合作关系。
福原爱通过视频电话提离婚
据台媒，
福原爱喺今年农历新年期间，
通过视频通话同江宏杰提出离婚。
江宏杰当时表现震惊，
佢亦都尝试劝
福原爱唔好咁冲动决定。
你哋支持福原爱吗？
阿米尔汗感染新冠
印度国宝级演员阿米尔汗证实
感染新冠病毒，
现已自我隔离。
阿米尔汗康复后，
将会继续拍摄新片《阿辛正传》。
希望佢可以早日康复啦！
资料来源：微博、剧照
节目截图
互联网综合整理
*文中图片版权归原作者所有，如有问题，请与原作者联系
